Շպարվելու սխալները

Ո՞ր կինը չի մտածում ամենագեղեցիկը լինել, երբ պատրաստվում է երեկույթի։ Բայց բոլորին չէ, որ դա հաջողվում է։ Ոմանք սեփական ձեռքերով ոչ թե ավելի լավացնում, այլ վատացնում են իրենց արտաքինը։

Մի թույլ տվեք, որ շպարվելու փոքր սխալները փչացնեն ձեր երեկոն։ Եթե ձեր նպատակը անթերի մակիաժն է, ապա թերևս արժե հետևել մեր խորհուրդներին։

1. Մի չարաշահեք փայլն ու մետաղները։ Մի օգտագործեք մեծ չափերի փայլեր, դրանք չափից ավելի շատ լույս են անդրադարձնում և մանկական տպավորություն թողնում։ Եթե ցանկանում եք բառի բուն իմաստով փայլել երեկույթին, բավական են աչքերի փայլող ստվերաներկերը (մի քիչ տարածելով դեպի քունքերը), շրթունքների փայլը՝ լույսն անդրադարձնող մասնիկներով կամ ոչ մեծ քանակի փայլող դիմափոշին։ Փայլը միանգամայն անհարկի է T-նման գոտում (ճակատ, քիթ, ծնոտ)։ Մարդկանց մեծ մասի T գոտու մաշկն առանց այդ էլ բավական ճարպոտ է, ուստի չարժե դրա փայլին գումարել նաև մակիաժի փայլը։ Ընդհակառակը՝ ավելի լավ է դիմափոշի քսել այդ հատվածին, և դեռ երեկոյի ընթացքում ժամանակ առ ժամանակ փափուկ անձեռոցիկով ներծծել ճարպը։ Նույնը վերաբերում է նաև մակիաժի մետաղական երանգներին։ Ի տարբերություն Միդաս թագավորի՝ ամեն ինչ չէ, որ եթե դիպչում եք, ոսկի է դառնում (արծաթ, բրոնզ, պղինձ)։ Միայն երկու գոտի ընտրեք մետաղ քսելու համար, օրինակ՝ կոպերը և այտոսկրերը կամ շրթունքներն ու այտոսկրերը։ Մնացածը պետք է անփայլ լինի։

2. Առհասարակ փայլից մի հրաժարվեք։ Եթե չափից ավելի է փայլը փչացնում է տպավորությունը, ապա դրա լիակատար բացակայությունն էլ նույնքան վատ է։ Մի քիչ փայլը դեմքի հիմնական կետերում (այտոսկր, աչքեր, շրթունքներ, քունքեր) առողջության զգացողություն է ստեղծում։ Գաղտնիքն այն է, որ փայլը պետք է քսվի հատվա-ծաբար,  ոչ թե ամբողջ դեմքին։

3. Մի համադրեք մետաղները։ Ոսկին և արծաթը մնում եննորաձև։ Մենք գիտենք կանոնը, ըստ որի չի  կարելի համադրել ոսկե և արծաթե զարդերը։ Բայց այդ կանոնը գործում է նաև կոսմետիկայում։ Արծաթափայլ ստվերաներկերը չեն սազում բրոնզափայլ կամ ոսկեփայլ շրթներկին:

Ոսկին և բրոնզը «տաքե մետաղներ են, արծաթը՝ սառը։ Ուստի դրանցից մեկնումեկը կսազի ձեզ, նայած՝ տա՞ք, թե՞ սառը երանգ ունի ձեր մաշկը։

4. Անպայման ներկեք եղունգները։ Մի մտածեք, որ ձեր մերկ եղունգները ոչ ոք չի նկատում երեկույթի մեղմ լույսի տակ։ Անպայման կնկատեն, ինչպես որ կնկատեն, որ եղունգները ներկված են, եթե անգամ օգտագործեք ամենաաննկատ ներկը։ Մատնահարդարումը ամբողջականություն ու ոճ կհաղորդի ոչ միայն ձեռքերին, այլև ձեր կերպարին։

Հարցեր, պատասխաններ, մեկնաբանություններ